مندي الدجاج بالفحم

المكوّنات

1. دجاج منضف ومقطع
2. 4 كاسات ارز مصطفى شراب
3. راس بصل حجم وسط
4. 5 فصوص ثوم مهروس
5. حبتين بندوره مقطعات ارباع
6. معلقتين صلصة زمزم او اي نوع بتحبوه
7. 2 م.ك بهارات مشكله
8. حبتين لومي
9. ورق غار
10. م.ص فلفل اسود
11. 2 م.ك ملح
12. م.ص كاري هندي
13. 0.5 م.ص عصفر
14. 0.5 م.ص قرفه
15. 0.5 م.ص هيل مطحون
16. بكيت ماجي بودره
17. حبتين جزر مبشور
18. رشة زعتر اوريجوانو
19. صبغة اكل لون أحمر
20. رشة زنجبيل مطحون
21. لدهن الدجاج :
22. معلقتين لبن
23. معلقه صغيره صلصه
24. رشة ماجي بودره
25. صبغة طعام

الخطوات

1. بنحط جميع البهارات مع الثوم والبصل والصلصه ونصف كمية الجزر المبشور مع بعض بالطنجره وبنحركهن ليتجانسو شوي مع بعض وبنحط الدجاج عليهن وبنضل نحركهن مع الدجاج لحتى يصير لون الدجاج ابيض
   
2. بنضيف مي على الدجاج وبنضغطهن لمدة 12 دقيقه وما ننسى نحط ملح على الدجاج بعد اضافة المي
   
3. بننقع الرز بمي سخنه لمدة ربع او ثلث ساعه وبعدها بنغسلو وبنصفيه من مييتو وبنخليه ع جنب لحتى يتسوي الدجاج
   
4. بس يستوي الدجاج بنشيلو من الطنجره وبنحطو ع جنب وبندهنو بالخلطه تاعتو يللي ذكرنا مكوناتها
   
5. بنحط زيت قلي بالطنجره وبنحمميه شوي وبنحط فوقه الرز وبنحركو شوي وبنضيف مرقة الدجاج عليه وبنخللي الرز مكشوف خمس دقايق وبعدين بنغطيه وبنتركو ليستوي وبس ينضج بنطفي تحتو
   
6. بنحط فحمتين على الغاز وبس يجمرو بنحط بفنجان صغير فيه شوية زيت قلي وبنحط الفنجان بالطنجره وبنحط الفحم بعد ما يجممر فيه وبنحرك الرز شوي وبنغطي الطنجره
   
7. بنحممر الدجاج بالفرن وبس يستوي بنفرد الرز بسدر كبير وبنحط فوقه الدجاج وبنضيف اللوز المحمر والجزر المقطع وبنقدمو وصحتين وعافيه