كيكة باردة بالكريمة والقشطة

المكوّنات

1. 3 كاسات حليب سائل
2. 2 علبة قشطة
3. 3 باكيتات بسكوت
4. 2 باكيت كريمة بيضاء
5. 3 ملاعق جيلاتين
6. 1 باكيت كريمة شوكولاتة
7. 1 ملعقة نسكافيه كبيرة
8. 1 كوب ماء
9. 1 كوب لبن
10. 2 كوب حليب سائل
11. 4 ملاعق سكر 

     

     

    الخطوات

    1. نخفق الكريمة مع ٣ كاسات حليب لحد ما تنفش
       
    2. بنضيف اللبن وعلبة القشطة والسكر وبنخفق منيح
       
    3. بنذوب ٢ ملعقة جيلاتين بفنجان ماء ساخن ونتركه شوي ينفش وبنضيفه على الخليط مع الخفق المستمر.
       
    4. هلا بنجيب البسكويت وبنذوب النسكافيه بكوب ماء مع ملعقة سكر وبنغمس حبات البسكويت وبنصفهن في بايركس كبير طبقتين.
       
    5. بنصب الخليط فوقهن، وعلى التلاجة ربع ساعة او حتى يجمد منيح
       
    6. هلا بنخفق الكريمة الشوكولاتة مع ٢ كوب حليب سائل. وبنضيف علبة القشطة وبنخفق. وبنذوب ١ ملعقة جيلاتين بفنجان ماء ساخن وبنضيفها للخليط مع الخفق المستمر.
       
    7. بنصب الطبقة الثانية على البايركس اللي جهزناه ونتركه ٣ ساعات بالثلاجة. والف عافية.😊